النفس عزّت ..!!



النفس عزت ثم عيت عليّه .. تقول لا تمشي ورا كل هذار 
إحذر يجرونك لدربٍ خطيه ... وباخذونك وسط هاذر ومهذار
وقلت انا: يانفس ردي عليه ... عطين بيتينٍ تدل كل محتار
قالت : أنا ما ارميك وسط البليه ..ولا ابيك تخوض في درب الأخطار
وقلت أنا : يانفس روحي ظميه ... تبي ترد الحق من كل زمّار
قالت وعهدك قلت كانت خطية .. خطية ما اردها لم الاخيار
وقلت انا ما نيب شر البرية .. ولا نيب كذاب ولا نيب مكار
ولا ني ردي النفس ولا هي دنية ... ولا نيب نمامٍ ولا نيب عيّار
ولا نيب أدور للردى والردية ... ولا نيب للواشين ناصر أو نصار
ولا نيب خراب البيوت البنية .. ولا نيبس واس المراكب والأشجار
ولا نيب أنا اللي نيتي شين نيه .. ولانيب أنا اللي يحرث النار للنار
وأنا أعرفك يا نفس نفسٍ قوية ... ما تاخذينن في طريق به اخطار
وأنا اعرفك يانفس نف حييه .. ما تاجمين الشين لو هو للأشرار
قالت لي اكتب من كلامي جليه ... الوزن عندي والقوافي والأشعار
إلزم حدود الشرع في حسن نية ... وإسأل اله الكون ينجيك من نار
ويبعدك هن كل الدروب الردية ... ويجمعك بالجنة معا كل الابرار
وادع الولي لمك دعوة قوية ... واجمع ابوك اللي تعرض للأخطار
يرفع مراتبهم بجنة عليه ... تراك ما تافي لو دموعك انهار
واصفح عن الغلطان بنفسٍ رضيه ... (( فمن عفا)) عفوه عليه يندار
ولا تستمع للواش نفسه شقيه ... ولا تصحب النمام لو جاك من كار
واصحب جزيل النفس صبح وعشيه ... ولا تتبع الجربان لو شع الأنوار
ولا تارد المالح يزيدك ظميه ... ولا تاكل المكشوف لو هو على النار
ولا تكثر الهرجة تراها رديه ... تحط مقدارك الى ادناة مقدار
وترا ردي النفس حاله دنيه ... يطيح لو انه رقى عال الاشجار
وقلت انا يانفس خذتنا الحميه .. حمية الجاهل خذتنا للاخطار
واعاهد الرحمن ووعد عليه ... ما اسب خلق الله ولا اصير عيار
وياسامعن وحد اله البريه ... وصلي على محمد معه كثر الاذكار..

وسلامتكم .....
تعليقات فيسبوك
2تعليقات بلوجر

2 التعليقات

تسلم والله يا ابو خالد ووجودك اروع اهلا بك

تعليق

إرسال تعليق

الكلمة الجميلة مدخل القلب